ಕಳ್ಳತನ ನಡೆದ ಮಹಾಗಣಪತಿ ದೇವಸ್ಥಾನಕ್ಕೆ ದೇಶಪಾಂಡೆ ಭೇಟಿ

ಪಟ್ಟಣದಲ್ಲಿ ಗಸ್ತು ಹೊಡೆದರೆ ಸಾಲದು; ದೇಶಪಾಂಡೆ

ಕರಾವಳಿ ಮುಂಜಾವು ವರದಿ

ಹಳಿಯಾಳ: ಪಟ್ಟಣದಲ್ಲಿ ಗಸ್ತು ಹೊಡೆದರೇ ಸಾಲದು ಕಳವಿನ ಪ್ರಕರಣ ಮತ್ತೆ ಆಗದಂತೆ ಇಲಾಖೆಯವರು ಆದಷ್ಟು ನಿಗಾವಹಿಸಬೇಕು ಎಂದು ರಾಜ್ಯ ಆಡಳಿತ ಸುಧಾರಣಾ ಆಯೋಗದ ಅಧ್ಯಕ್ಷ ಹಾಗೂ ಶಾಸಕ ಆರ್ ವಿ ದೇಶಪಾಂಡೆ ಹೇಳಿದರು.

ಪಟ್ಟಣದ ಶ್ರೀ ಮಹಾಗಣಪತಿ ದೇವಸ್ಥಾನಕ್ಕೆ ಭೇಟಿ ನೀಡಿ. ದೇವಸ್ಥಾನದಲ್ಲಿ ನಡೆದ ಕಳುವಿನಿಂದ ಆದ ಹಾನಿಯನ್ನು ಪರಿಶೀಲಿಸಿ ಮಾತನಾಡಿ, ಪಟ್ಟಣದಲ್ಲಿ ಭಾರಿ ಕಳ್ಳತನಗಳು ನಡೆಯುತ್ತಿವೆ ಎಂದು ಜನರು ನನಗೆ ದೂರವಾಣಿ ಮೂಲಕ ಸಂಪರ್ಕಿಸಿ ಹೇಳುತ್ತಿದ್ದಾರೆ. ಮನೆಗಳ್ಳತನ ಆಯಿತು, ದೇವಸ್ಥಾನಗಳಲ್ಲಿಯೂ ಕಳ್ಳತನ ನಡೆಯುತ್ತಿದ್ದರೇ ಹೇಗೆ ಎಂದೂ ಅಸಮಾಧಾನ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ಅಲ್ಲಿ ಉಪಸ್ಥಿತರಿದ್ದ ಪಿಎಸ್ಐ ಬಸವರಾಜ ಮಬನೂರ ಅವರೊಂದಿಗೆ ಕೆಲವು ಮಾಹಿತಿ ಕೇಳಿದ ದೇಶಪಾಂಡೆಯವರು, ಸುರಕ್ಷತೆಯ ದೃಷ್ಟಿಯಿಂದ ಪಟ್ಟಣದ ಮುಖ್ಯ ಸಂಪರ್ಕ ರಸ್ತೆಗಳಿಗೆ ಹಾಗೂ ಆಯಕಟ್ಟಿನ ಸ್ಥಳದಲ್ಲಿ ಮುಖಚರ್ಯೆಯನ್ನು ಗುರುತಿಸುವಂತಹ ಆದುನಿಕ ತಂತ್ರಜ್ಞಾನವುಳ್ಳ ಸಿಸಿ ಕ್ಯಾಮೆರಾಗಳನ್ನು ಅಳವಡಿಸುವ ಅವಶ್ಯಕತೆಯಿದೆ ಎಂದು ಪಿಎಸ್ಐ ಬಸವರಾಜ ಕೇಳಿದರು. ಇದಕ್ಕೆ ಪ್ರತಿಕ್ರಿಯಿಸಿದ ದೇಶಪಾಂಡೆ, ಪಟ್ಟಣದಲ್ಲಿನ ಸಿಸಿ ಕ್ಯಾಮೇರಾಗಳ ಅವ್ಯವಸ್ಥೆ ಬಗ್ಗೆ ತಿಳಿದ ಶಾಸಕರು ಹೊಸದಾಗಿ ಬೇಕಾಗುವ ಉತ್ತಮ ಗುಣಮಟ್ಟದ ಸಿಸಿ ಕ್ಯಾಮೆರಾಗಳ ವ್ಯವಸ್ಥೆ ಮಾಡುವ ಭರವಸೆ ನೀಡಿದ ಅವರು ಪೋಲಿಸ್ ಇಲಾಖೆಯವರು ಸಿಸಿ ಕ್ಯಾಮೆರಾಗಳ ನಿರ್ವಹಣೆಯ ಸಂಪೂರ್ಣ ಜವಾಬ್ದಾರಿಯ ಖಾತರಿ ನೀಡಬೇಕೆಂದು ಪಿಎಸ್ ಐ ಅವರಿಗೆ ಸೂಚಿಸಿದರು.